Erzeni ka harruar të fitojë, Kapllani është heroi i Kastriotit

Futboll Vendi | 2 vite më parë

Një ndeshje plot emocione dhe gola është zhvilluar në “Tofik Jashari” mes Erzenit dhe Kastriotit. Gjithçka është vendosur në pjesën e dytë, ku janë shënuar 5 gola dhe në fund kanë qenë miqtë nga Kruja ata që festojnë, duke fituar me përmbysje 3-2.

Erzeni gjen golat e parë në kampionat, por duhet të presë akoma për të gjetur pikët e para këtë sezon. Shijakasit e shohin veten në disavantazh në pjesën e dytë, por arrijnë të përmbysin rezultatin (përkohësisht 2-1) falë një dygolëshi të Marinajt.

Kapllani futet në fushë në minutën e 78-të për miqtë dhe bëhet menjëherë protagonist, duke shënuar një dygolësh ndaj ish-skuadrës së tij dhe duke i dhënë një fitore të çmuar Kastriotit, që ngjitet në kuotën e 10 pikëve. Pas 6 javëve kampionat, Erzeni mbetet skuadra e vetme që nuk ka grumbulluar asnjë pikë këtë sezon në Kategorinë e Parë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.