Euroliga, Efes fiton derbin me Fenerbahçen

Basketboll | 3 vite më parë

Veprimtaria më prestigjioze e basketbollit kontinental të klubeve, Euroliga, ka vijuar të premten në ekranin e Rrjetit të Radio-Televizionit Shqiptar me derbin e Stambollit, Fenerbahçe-Efes. Një ndeshje e luftuar, deri në frymën e fundit, për të shpallur fitues Efes me rezultatin 82-80.

Në një ndeshje ku asnjëra skuadër nuk kryesoi me dyshifrorë dhe epërsia më e madhe ishte 7 pikë. Efes luajti me epërsinë në çerekun e katërt, duke bërë gjëra të mëdha në fushë. Kjo përfshin një trepikësh nga Rodrigue Beaubois me 40 sekonda para përfundimit, e më pas një gjuajtje nga Larkin.

Një mbyllje emocionuese e sfidës, me Efes që arrin të sigurojë një fitore 82-80 në derbin e Stambollit, ndaj rivalit të tij të qytetit, Fenerbahçe.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.