28 dhe 29 Nëntori janë Festa Kombëtare, por edhe këtë vit, një numër i konsiderueshëm qytetarësh kanë zgjedhur t’i kalojnë jashtë vendit, një kërkesë që rritet çdo vit.

Interesi për të kërkuar një destinacion për këto festa nisi shpejt dhe kanë qenë kryesisht të orientuara drejt Evropës, por edhe rajonit, Kosova, Mali i Zi dhe Kroacia kanë qenë të preferuara.

Sa i takon qyteteve tona, më të kërkuara janë Vlora dhe Korca.

“Si  çdo vit që kemi festat e nëntorit si destinacion kemi Vlorën primare por ka edhe jashtë Shqipërisë por edhe Prizreni është shumë i frekuentuar”, tha Genta Mostali, operatore turistike.

Festat kanë bërë që numri i hyrjeve dhe daljeve në territorin e Shqipërisë përmes doganës së Muriqanit të rritet. Ajo që vihet re është se numri I daljeve nga territori i vendit është më i lartë krahasuar me ata që vijnë në Shqipëri.

/RTSH/