Fier, ushtroi dhunë ndaj bashkëshortes dhe shkatërroi makinën, arrestohet 36-vjeçari

Aktualitet | 10 muaj më parë

Një 36-vjeçar ka përfunduar në prangat e policisë së Fierit, pasi akuzohet për dhunë në familje dhe shkatërrim të pronës.

Specialistët për Hetimin e Krimeve kanë bërë arrestimin në flagrancë të shtetasit me iniciale E. H., banues në qytetin e Fierit.

Sipas njoftimit për shtyp, ky shtetas ka ushtruar dhunë ndaj bashkëshortes së tij. Përveç agresionit fizik e psikologjik ndaj gruas, 36-vjeçari ka shfryrë zemërimin edhe mbi mjetin e tij, duke e dëmtuar atë. Mbi të rëndojnë dy vepra penale: “Dhuna në familje” dhe “Shkatërrimi i pronës”.

Materialet procedurale i kanë kaluar Prokurorisë pranë Gjykatës së Shkallës së Parë të Juridiksionit të Përgjithshëm Fier për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.