Fituan Eurovizion 2022, Kalush Orchestra shet trofeun 900 mijë dollarë për blerjen e dronëve

Botë | 4 vite më parë

Grupi Kalush Orchestra pas fitores së Eurovizion 2022 në Torino me “Stefania”, kanë shitur trofeun e tyre në vlerën 900 mijë dollarë me qëllim blerjen e dronëve për ushtrinë ukrainase. Gjatë një koncerti bamirësie në Portën e Brandenburgut të Berlinit, Oleh Psiuk, një prej anëtarëve të Kalush Orchestra deklaroi se synimi i tyre ishte mbledhja e sa më shumë parave për kujdesin mjekësor dhe furnizimet.

Ndër të tjera, Psiuk u bëri thirrje ukrainasve që të mos mësoheshin me luftën, e cila ka lënë të vdekur 4,031 civilë, 4,735 të plagosur, si dhe ka detyruar më shumë se 14 milionë njerëz të largohen nga shtëpitë e tyre. “Unë mendoj se duhet të jetë gjithmonë në faqet e para, derisa të vijë paqja”, tha Psiuk. Mikrofoni i kristaltë u hodh në ankand në Facebook, me qëllim blerjen e dronëve për ushtrinë e Ukrainës, raporton BBC.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.