Flamurtari blindon vendin e parë

Flamurtari në basketboll për femra ka blinduar vendin e parë në renditje, teksa të dielën ka fituar ndeshjen me rivalin e drejtpërdrejtë për titull kampion, Partizanin. Shifrat në përfundim të sfidës ishin 74-69 për vajzat vlonjate, por që në fakt ajo që u pasqyrua në fushën e lojës ishte një rivalitet shumë i madh.
Perioda e parë ka përfunduar në favor të Partizanit me rezultatin e ngushtë 15-17. Flamurtari shkundet dhe arrin të përmbysë në përfundim të periodës së dytë, teksa në pushim ka kryesuar, 35-28. Edhe pas pushimit, Flamurtari vazhdon me të njëjtat ritme duke thelluar në 59-43. Partizani kërkon të rifutet në lojë në periodën e katërt, por është e pamundur dhe përfundimisht, 74-69 për Flamurtarin. Vlonjatet konsolidojnë kreun e renditjes, që vlen shumë më pas për fazën Play-off për titull kampion.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




