FOTO/ Rama pritet në Pallatin Mbretëror në Abu Dabi: Diskutuam mbi bashkëpunimin në fushën e energjisë dhe sigurisë

Politikë | 4 vite më parë

Bashkëpunimi në fushën e energjisë, turizmit dhe mbrojtjes kibernetike ka qenë në fokus të takimit mes kryeministrit Edi Rama dhe Presidentit të Emirateve të Bashkuara, Sheikh Mohamed bin Zayed Al Nahyan.

Teksa e cilëson presidentit të Emirateve të Bashkuara si mik të çmuar, Rama zbulon se është diskutuar për ecurinë e bashkëpunimit në projekte të ndryshme gjatë takimit në Pallatin Mbretëror.

“Në Pallatin Mbretëror me mikun e çmuar, Presidentin e Emirateve të Bashkuara, Sheikh Mohamed bin Zayed Al Nahyan, për ecurinë e projekteve të bashkëpunimit në fushën e energjisë, turizmit, sigurisë dhe mbrojtjes kibernetike”, shkruan Rama.

Vizita e Ramës në Abu Dabi vjen pas vizitës që zhvilloi në Izrael ku u takua me kryeministrin izraelit Yair Lapid dhe presidentin Isaac Herzog.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.