Kryeministri Edi Rama, ka ndarë një lajm të mirë për shqiptarët, ndërsa ka publikuar disa foto ku njofton nisjen e punimeve për hekurudhën Tiranë-Durrës.

“NIS PUNA për Hekurudhën e re Tiranë – Durrës me largimin e shinave të vjetra”, shkruan kreu i qeverisë.

Nisja e këtyre punimeve vjen pas miratimit të vendimit që jepte lejen e ndërtimit që kaloi në Këshillin Kombëtar të Territorit në datë 21 tetor. Ky vendim parashikonte dhënien “Leje Ndërtimi Infrastrukture për objektin: “Ndërtimi i Linjës Hekurudhore Durrës – Tiranë dhe i linjës së re hekurudhore për në Aeroportin Ndërkombëtar të Rinasit”, me subjekt zhvillues “Hekurudha Shqiptare” sh.a.

Linja hekurudhore Tiranë-Durrës dhe lidhja e saj e re me Rinasin do të zbatohet nga kompania INC spa, e cila u shpall fituese një vit më parë ndërkohë që autoriteti kontraktor mbetet Hekurudha Shqiptare. Kostoja totale e projektit është 92.1 milionë euro, nga të cilat 35.5 milionë euro grant mbulohet nga Kuadri i Investimeve i Ballkanit Perëndimor dhe 36.9 milionë euro është i mbuluar ngakredia e BERZH, ndërsa pjesa e mbetur do financohet nga qeveria shqiptare.