Sekretarja e Brendshme, Suella Braverman, reagoi në lidhje me ngjarjen, teksa tha se “mendimet e saj të përzemërta” ishin me familjarët e viktimave.

“Jam në dijeni të një incidenti shqetësues në Kanal këtë mëngjes dhe jam duke u përditësuar vazhdimisht ndërsa agjencitë përgjigjen dhe urgjentisht përcaktojnë faktet e plota”, shtoi Braverman. Qeveria britanike tha se “të gjitha agjencitë përkatëse” ishin të përfshira në trajtimin e incidentit.

Kryeministri britanik, Rishi Sunak reagoi duke shprehur trishtimin për viktimat. Sipas Sunak, ngjarja tragjike duhet të shërbejë si kujtesë se bandat kriminale po vënë në rrezik jetën e njerëzve të dëshpëruar dhe se po përfitojnë nga mjerimi i tyre.

 “Jam i sigurt që e gjithë Dhoma do të ndajë dhimbjen time për përmbysjen e një varke të vogël në Kanal në orët e para të mëngjesit të sotëm dhe tragjik. Zemrat tona shkojnë për të gjithë ata që janë prekur dhe nderimet tona për ata që janë përfshirë në operacionin e gjerë të shpëtimit. Është një kujtesë se bandat kriminale që drejtojnë ato rrugë vënë në rrezik jetën e të dëshpëruarve dhe përfitojnë nga mjerimi i tyre. Ata duhet të ndahen dhe të sillen para drejtësisë”, tha ai.