Gjirokastër, Bashkia siguron ngrohje në institucionet arsimore gjatë dimrit

Sociale | 6 vite më parë

Bashkia e Gjirokastrës po siguron ngrohjen në institucionet arsimore, gjatë stinës së dimrit, duke krijuar kushtet e duhura për zhvillimin e procesit mësimor.

Sipas bashkisë po kryhet rregullisht furnizimi me lëndë djegëse i kopshteve dhe shkollave në qytet dhe njësitë administrative.

“Në ndryshim nga vitet e kaluara, është dyfishuar kohëzgjatja e përdorimit të kaldajave dhe pajisjeve ngrohëse, për t’iu përshtatur mësimit me turne, në zbatim të masave anti-COVID 19”, – theksoi bashkia.

Bashkia e Gjirokastrës bën të ditur se po kryhet edhe mirëmbajtja e vazhdueshme e godinave të shkollave.

Sigurimi i kushteve cilësore për zhvillimin e procesit mësimor do të jetë në vëmendje të bashkisë Gjirokastër.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.