GJKKO pushon akuzat për zyrtarët e ARRSH, akuzoheshin për shkelje me tenderin 22 mln € të Lotit I-rë të Unazës së Re

Aktualitet | 8 muaj më parë

GJKKO pushoi të premten (13 mars) akuzat për gjashtë zyrtarët e Autoritetit Rrugor Shqiptar, të cilët u akuzuan nga SPAK për shkelje me tenderin 22 milionë euro të Lotit të parë të Unazës së Re.

Sipas GJKKO-së, ndjekja penale u parashkrua pasi kaloi afati 5-vjeçar, duke bërë që të pushohen akuzat për: Arbër Trokën, Miranda Shkurtin, Nikollaq Mihalin, Almir Hoxhën, Admir Pahumin dhe Erjon Zemanajn.

Në qershorin e vitit të shkuar, SPAK mbylli hetimet dhe dërgoi për gjykim dosjen, me akuzat për “Shkelje e barazisë së pjesëmarrësve në tendera apo ankande publike”.

Bëhet fjalë për rehabilitimin e segmentit rrugor “Mbikalimi pallati me shigjeta – Rrethrrotullimi Shqiponja”, të shpallur më 14 qershor 2019 dhe firmosur më 22 tetor 2019.

Gazetare: Flutura Tota

/rtsh.al/

ARRSH

unaze e re

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.