Gjykata e Posaçme shtyn për më 11 korrik seancën për Berishën dhe Malltezin

Politikë | 2 vite më parë

Gjykata e Posaçme ka shtyrë për më 11 korrik, ora 10:00, seancën për informacion 2 mujor të ish-kryeministrit Sali Berisha dhe dhëndrit të tij Jamarbër Malltezi. Në këtë seancë, avokatët kishin kërkuar informacione mbi hetimet e deritanishme. Seanca nuk u zhvillua pasi Berisha dhe Malltezi nuk kishin marrë dijeni sipas ligjit.

SPAK pritet të shtyjë afatet e hetimit edhe me 3 muaj të tjerë pasi përfundon afati i hetimeve për privatizimin e ish klubit sportiv Partizani.

Avokati i Berishës, Genc Gjoutaj në një deklaratë për mediat tha se mos njoftimi për seancën bëhet qëllimisht për ta shtyrë atë dhe për ti dhënë më shumë kohë SPAK që sipas tij nuk ka as një fabul për këtë hetim.

Ndër të tjera, Gjokutaj ka theksuar edhe njëherë që i qëndrojnë të pa lëkundur kërkesës për ndryshim të masës së sigurisë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.