Kanë mbetur vetëm 90 minuta dhe një pikë avantazhi për të mbrojtur, atëherë Manchester City mund të fitojë Premier League. Në rrugën drejt lavdisë, Guardiola do të përballet me Aston Vilën e Gerrard, gati për t’i bërë një nder Liverpoolit të tij. Trajneri spanjoll e analizoi në këtë mënyrë finalen e sezonit, me një mesazh mbase drejtuar Klopp, i cili do të duhet të luajë edhe finalen e Champions League kundër Real Madridit: “Premier League është më e vështirë se Champions League. Kaq javë, kaq shumë ndeshje, dëmtime për të menaxhuar, momente të mira dhe momente të këqija, situata të ndryshme. Nuk dua të them se Champions League nuk është e rëndësishme, ne do të donim të ishim në Paris javën e ardhshme, por të fitosh 38 ndeshje dhe të fitosh 6-7 është ndryshe”.

Trajneri spanjoll kërkon përpjekjen e fundit dhe shton: “Të përpiqemi të jemi vetvetja, të bëjmë atë që duhet të bëjmë. Atëherë është e qartë se po flasim për një ndeshje dhe kjo do të thotë edhe fat, mijëra gjëra që nuk i kontrollon dot”.

“Nuk jam i befasuar që jemi atje për të luajtur deri në fund. Unë thashë një muaj më parë se do të na duheshin më shumë se 90 pikë. Liverpool ka humbur vetëm një nga 51 ndeshjet e fundit: kur përballesh me një ekip të tillë, duhet të jeni të mirë dhe fitoni edhe ndeshjen e fundit. Unë u thashë djemve se është vetëm një ndeshje futbolli dhe të mos fokusohemi në asgjë tjetër. Nëse duhet të vuajmë ose të luftojmë, nuk do të duhet të dekurajohemi, nuk duhet të mendojmë ‘po sikur të humbasim?'”.

Te City që nga viti 2016, Guardiola ka shansin të fitojë kampionatin anglez për herë të katërt: “Por fitorja e vërtetë është të jesh atje duke luftuar, siç kemi bërë vitet e fundit. Kur Liverpool fitoi Premier League, ata ishin të pandalshëm dhe ne nuk ishim të mirë mjaftueshëm – vazhdon ai – Por atëherë ne kemi qenë gjithmonë atje. Nuk është FA Cup ku vendoset me një finale të vetme, këtu fiton skuadra që ka qenë më e qëndrueshme”.

Pastaj një batutë për Gundogan, të cilit City i ka bërë të ditur se duhet të gjejë një ekip tjetër: “Sa për mua, do ta doja sërish këtu sezonin e ardhshëm. Nëse ai dëshiron të largohet, askush këtu nuk di asgjë për këtë. Kam lexuar në Tëitter se do të largohet por ndoshta ti di më shumë se unë”.