Guterres: Rusia nuk mund ta pushtojë Ukrainën shtëpi më shtëpi!

Botë | 5 vite më parë

Rusia nuk mund ta fitojë luftën e saj në Ukrainë, deklaroi të martën sekretari i Përgjithshëm i OKB-së, Antonio Guterres, pasi bëri thirrje për bisedime të menjëhershme për paqen.

“Ukraina nuk mund të pushtohet qytet më qytet, rrugë më rrugë, shtëpi më shtëpi. Ka mjaftueshëm arsye në tavolinën e bisedimeve për të ndërprerë armiqësitë … dhe për të negociuar me seriozitet, tani”, tha Guterres në Nju Jork.

“Kjo luftë nuk mund të fitohet. Herët a vonë, ajo do të duhet të kalojë nga fusha e betejës në tavolinën e bisedimeve të paqes… Vazhdimi i luftës në Ukrainë është moralisht e papranueshme, politikisht e pambrojtur dhe ushtarakisht e pakuptimtë”, shtoi ai. (Sipas ATSH).

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.