Java e 18-të e Budesligës është hapur me sfidën M’gladbach-Dortmund, me skuadrën vendase që ka arritur të marrë një fitore 4-2. Kanë mjaftuar 40 sekonda lojë që në skenë të shfaqej goli i parë me autor Neuhas(M’gladbach) por VAR ka prishur festën e vendasve, duke anulluar golin.

Gjithsesi, pas 11 minutash festa është legjitime pas golit të shënuar nga Elvedi, që ka shtangur portierin e Dortmundit, Burki. Për të përmbysur situatën ka menduar i përhershmi Erlind Haaland, i cili ka shënuar dy herë në harkun e gjashtë minutave, duke i dhënë skuadrës së Dortmundit avantazhin.

Vendasit  arrijnë të barazojnë në minutën e 32-të, është përsëri Elvedi që shënon, për të mbyllur pjesën e parë në barazim 2-2. Në pjesën e dytë, mbrojtja e Dortmundit është në një ditë të tmerrshme, duke lejuar kundërshtarin të shënojë dhe dy gola të tjerë me Bensebaini 49’ dhe Thuram 78’ dhe M’gladbach kompleton kështu fitoren 4-2 në këtë sfidë.