Një zyrë ndërkombëtare për të hetuar pushtimin rus të Ukrainës hapet këtë të hënë (3 korrik) në Hagë.

Qendra Ndërkombëtare për Ndjekjen e Krimit të Agresionit (ICPA) përfshin prokurorë nga Kievi, BE, SHBA dhe Gjykata Ndërkombëtare Penale (ICC).

Zyra do të hetojë dhe mbledhë prova në një masë që shihet si një hap i përkohshëm përpara krijimit të një gjykate speciale që mund të sjellë para drejtësisë zyrtarët e Kremlinit për fillimin e luftës në Ukrainë., sipas The Guardian.

Zyrtarët e lartë do të mbajnë një konferencë për shtyp në ICPA në selinë e agjencisë gjyqësore të BE-së, Eurojust, ku pjesëmarrës do të jenë prokurori i përgjithshëm ukrainas Andriy Kostin, prokurori i ICC-së Karim Khan, ndihmësin e prokurorit të përgjithshëm të SHBA Kenneth Polite dhe komisionerin e drejtësisë të BE-së Didier Reynders.

Thirrjet për një gjykatë speciale për Ukrainën janë shtuar sepse ICC, një gjykatë për krimet e luftës me seli gjithashtu në Hagë, Holandë, nuk ka mandat për të hetuar krimin më të gjerë të agresionit. 

/rtsh.al/