I akuzuar në Spanjë për vrasje, arrestohet në Durrës 49-vjeçari

Aktualitet | 2 vite më parë

Një 49-vjeçar, i shpallur në kërkim ndërkombëtar është arrestuar në Durrës këtë të shtunë (22 qershor). Në një njoftim për mediat, policia bën me dije se 49-vjeçari me inicialet A. M., u kap në lagjen nr. 13 të Durrësit.

Ai ishte shpallur në kërkim ndërkombëtar, pasi Gjykata e Orgivas në Spanjë, në vitin 2022, i ka caktuar masën e sigurisë “Arrest në burg”, për veprën penale “Vrasja”, kryer në kuadër të grupit kriminal.

Interpol Tirana vijon të bashkëpunojë me homologët në Spanjë, për të finalizuar ekstradimin e 49-vjeçarit në Spanjë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.