I dënuar me 20 vite burg për trafik droge, arrestohet 54-vjeçari në Elbasan

Aktualitet | 2 vite më parë

Agron Çakalli është arrestuar nga Policia e Elbasanit, pasi ishte në kërkim për trafik droge. Ai ishte dënuar në 2016 nga një gjykatë greke me burgim të përjetshëm, dënim që u njoh dhe u konvertua nga Gjykata e Apelit e Juridiksionit të Përgjithshëm me 20vite burg.

54-vjeçari u arrestua gjatë operacionit të koduar “Convert” pas informacioneve të marra për vendndodhjen e tij.

Konkretisht Gjykata e Apelit për Krimet e Renda Kretë me vendimin e datës 02.12.2016, e ka dënuar me burgim të përjetshëm, për veprat penale “Trafikimi i lëndëve narkotike” dhe “Kultivimi i bimëve narkotike”.

Gjykata e Apelit e Juridiksionit të Përgjithshëm e ka njohur këtë vendim penal dhe me vendimin e datës 17.04.2024, ia ka konvertuar dënimin, shtetasit Agron Çakalli, në 20 vjet burgim.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.