I hidhet bombë tymuese gjatë takimit elektoral, kryeministri i Japonisë shpëton pa lëndime

Botë | 4 vite më parë

Kryeministri i Japonisë, Fumio Kishida ka shpëtuar i pa lënduar nga një incident, pasi ndaj tij u hodh një bombë tymuese. Një person u ndalua në vendin e ngjarjes në Wakayama, ku Kishida do të mbante një fjalim.

Aktualisht është duke u zhvilluar fushata në zgjedhjet vendore mbarëkombëtare të Japonisë.

Policia thotë se ka arrestuar një person, por deri më tani nuk ka pranuar të komentojë më shumë.

Kishida sapo kishte filluar të mbante një fjalim pasi vizitoi portin e peshkimit në Wakayama. Sulmet e dhunshme janë jashtëzakonisht të rralla në Japoni, por ka një nervozizëm për sigurinë rreth politikanëve, pasi ish- kryeministri Shinzo Abe u qëllua për vdekje gjatë fushatës vitin e kaluar./ BBC

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.