Investimet në rrugë, standarde dhe cilësi për banorët e Korçës

Sociale | 5 vite më parë

Në Korçë nuk janë ndërprerë për asnjë moment investimet publike për një infrastrukturë të standardizuar dhe cilësi më të mirë jetese për banorët.
Dy rrugë të tjera të asfaltuara i janë shtuar mozaikut të transformimit urbanistik të qytetit, duke rritur cilësinë e jetës së banorëve.
Kryetari i bashkisë Korçë, Sotiraq Filo ndau sot pamje nga ndërhyrjet që janë kryer në 2 lagje të qytetit të cilat i kanë dhënë një tjetër standard jetës në komunitet.
“Shumë i kënaqur për një tjetër premtim të mbajtur. Përfundoi asfaltimi i rrugëve në lagjet 5 dhe 13. Një tjetër punë e mirë, për transformimin e lagjeve në çdo cep të Korçës”, tha Filo.
Bashkia e Korçës vijon punën për rehabilitimin e hapësirave të brendshme të lagjeve. Ndërhyrjet synojnë infrastrukturë të përmirësuar dhe standarde më të mira për jetesën e komunitetit.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.