Kriza në Lindjen e Mesme është përshkallëzuar më tej, pasi Irani ka ndërmarrë sulme me raketa ndaj rafinerisë më të madhe të gazit Ras Laffan në Katar dhe ka shënjestruar objektiva në Arabinë Saudite. Sulmet vijnë si kundërpërgjigje pas goditjes së fushës gjigante të gazit South Pars, e ndarë mes Iranit dhe Katarit, nga operacionet amerikano-izraelite.

Kompania shtetërore e Katarit, QatarEnergy, ka raportuar “dëme të mëdha” në Ras Laffan, një prej qendrave më të rëndësishme industriale për furnizimin global. Arabia Saudite njoftoi se ka ndalur katër raketa balistike të drejtuara drejt Riadit dhe ka neutralizuar një dron që synonte një objekt të gazit.

Sulmet kanë shkaktuar tronditje në tregjet botërore të energjisë. Çmimi i naftës Brent u rrit me rreth 5%, duke kaluar mbi 108 dollarë për fuçi, ndërsa çmimi i benzinës në SHBA kaloi mbi 5 dollarë për gallon.

/rtsh.al/