Itali/ Zjarr në aeroportin e Katanias, mbyllet deri më 19 korrik

Botë | 3 vite më parë

Aeroporti në qytetin sicilian të Katanias është mbyllur deri të mërkurën (19 korrik) për shkak të një zjarri. Aeroporti u përfshi nga flakët mbrëmjen e së dielës, ndërsa fatmirësisht nuk kanë mbetur persona të lënduar. Shkaqet e zjarrit nuk dihen ende, teksa Prokuroria e Katanias nuk përjashton as zjarrvënien e qëllimshme.

“Për momentin është herët për të bërë hipoteza. Presim raportin e parë dhe më pas do të vendosim. Shpresojmë që aeroporti të rihapet sa më shpejt që të jetë e mundur sepse është vendimtar për qytetin dhe Siçilinë“, tha prokurori Carmelo Zuçaro.

Sipas grupit hetimor të zjarrfikësve, zjarri ka nisur në një nga vendet e rezervuara për kompanitë e makinave me qira.

Fatmirësisht edhe dëmet materiale nuk kanë qenë të mëdha, teksa po punohet për riparimin e pjesës së aeroportit të dëmtuar nga flakët./ TGCOM

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.