Italia “humbet” edhe Imobile e Insigne

Uncategorized | 5 vite më parë

“Dy largime të tjera nga radhët e përfaqësueses së Italisë. Për shkak të lodhjes së muskujve që e bën atë të padisponueshëm për ndeshjen e nesërme, Ciro Immobile u kthye në klubin e tij. Lorenzo Insigne, për arsye personale, gjithashtu përshëndeti grupin për t’u kthyer në Napoli këtë mbrëmje”. Me një shënim zyrtar, FIGC njofton se Ciro Immobile dhe Lorenzo Insigne janë larguar nga grumbullimi i kombëtares italiane.

Sulmuesi i Lazios dhe anësori i Napolit nuk do të jenë në dispozicion të Roberto Mancini për ndeshjen kundër Lituanisë, planifikuar për nesër në mbrëmje (e mërkurë, 8 shtator) dhe e vlefshme për kualifikueset e Kampionatit Botëror të ardhshëm në Katar 2022. Zaniolo, nga ana tjetër, do të qëndrojë në Reggio Emilia.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.