Një shpërthim në një kafene në Shën Petersburg ka vrarë blogerin e njohur ushtarak rus Vladlen Tatarsky, ka konfirmuar Ministria e Brendshme e Rusisë. Të paktën 19 persona u plagosën nga shpërthimi i bombës në Street Food Bar.

Nuk është e qartë se kush ishte përgjegjës për shpërthimin.

Vladlen Tatarsky (emri i vërtetë Maxim Fomin) ishte një mbështetës i zëshëm i luftës së Rusisë në Ukrainë. Ai ishte një folës i ftuar në një ngjarje të organizuar nga kafeneja kur shpërtheu bomba.

Tatarsky kishte raportuar nga vija e frontit të Ukrainës dhe fitoi famë të veçantë vitin e kaluar pasi postoi një video të filmuar brenda Kremlinit në të cilën ai thoshte “ne do t’i mposhtim të gjithë, do t’i vrasim të gjithë, do t’i grabisim të gjithë sipas nevojës. Ashtu siç na pëlqen”.

Bomba ishte fshehur në një statujë që iu dha Tatarsky në një kuti si dhuratë.

Kafeneja e shënjestruar të dielën ishte më parë në pronësi të Yevgeny Prigozhin, kreut të grupit famëkeq mercenar rus Wagner./ BBC

/rtsh.al/