Paraja që qarkullon jashtë bankave në Shqipëri ka vijuar tendencën në rritje.

Gjatë muajit korrik të këtij viti ajo ka regjistruar një nivel rekord. 

Sipas të dhënave të Bankës së Shqipërisë, paraja jashtë korporatave depozituese ka arritur në rreth 402.6 miliardë lekë, apo rreth 4 miliardë euro, niveli më i lartë i regjistruar ndonjëherë. 

Në muajin qershor, paraja jashtë bankave ishte në rreth 395 miliardë lekë apo 3.95 miliardë euro. 

Sipas të dhënave, vihet re një rritje mujore e parasë jashtë bankave me 7.6 miliardë lekë, ose me 1.75%. 
Tendenca në rritje e parasë jashtë bankave vijon për të katërtin muaj me radhë dhe njëkohësisht regjistrohet niveli më i lartë në histori.

Shtimi i këtij treguesi vit pas viti pasqyron edhe më mirë trajektoren rritëse të parasë jashtë korporatave depozituese, ku përfshihen të gjitha institucionet financiare që pranojnë depozita të transferueshme. 

Në korrik të vitit 2023, paraja jashtë bankave ishte në rreth 392 miliardë lekë, rreth 10 miliardë lekë më pak se korriku i këtij viti.

/ rtsh.al /