Kabina elektrike përfshihet nga flakët në Durrës, ndërhyrja e shpejtë e zjarrfikësve stabilizon situatën

Aktualitet | 2 muaj më parë

Një kabinë elektrike është përfshirë nga flakët mëngjesin e sotëm në Durrës.

Ngjarja ka ndodhur në lagjen 17, fare pranë repartit zjarrfikës të qytetit.

Sapo është konstatuar zjarri, një automjet i gatshëm i shërbimit zjarrfikës ka shkuar menjëherë për fikjen e tij.

Falë ndërhyrjes së shpejtë, flakët janë vënë nën kontroll brenda pak minutash, duke shmangur përhapjen e tyre në zonën përreth.

Si pasojë e incidentit, lagjja 17 ka mbetur pa furnizim me energji elektrike. Autoritetet po punojnë për rikthimin e saj sa më shpejt të jetë e mundur.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.