Kompania e prodhimit të makinave elektrike Tesla, u përpoq pa sukses të bindte qeverinë kanadeze që të ulte tarifat për automjetet elektrike të prodhimit kinez që importon ky vend.

Në vend të kësaj, autoritetet kanë goditur modelet e Tesla me të njëjtën mbitaksë 100% si çdo EV tjetër i dërguar nga Kina, shkruajnë mediat e huaja.

Departamenti i Financave i Kanadasë konfirmoi në fillim të kësaj jave se nga 1 tetori, tarifa e importit për automjetet elektrike kineze do të rritet nga 6.1% aktuale në 106.1%.

Kjo është për të luftuar atë që ajo i konsideron si “politika dhe praktika të padrejta të tregut” dhe “politikën e qëllimshme, të drejtuar nga shteti” i Kinës.

Nisja e mbitaksës së re vjen disa muaj pasi SHBA ngriti gjithashtu tarifat e importit për automjetet elektrike kineze nga 25% në 100%.

Prodhuesi më i madh në botë i automjeteve elektrike, Tesla, thuhet se “iu afrua” Kanadasë përpara njoftimit dhe kërkoi një tarifë të ngjashme prej 9% me atë që i është vendosur në Bashkimin Evropian.

Është e paqartë se si zyrtarët iu përgjigjën kësaj kërkese, por ministrja e Financave e Kanadasë, Chrystia Freeland, nuk pranoi të adresonte bisedimet specifike që kishte me Tesla.

Tesla eksporton si automjete Model 3 dhe Model Y të prodhimit kinez në Kanada.

/ rtsh.al /