Policia e Tiranës sekuestroi 1 kilogram lëndë narkotike të dyshuar kokainë, e cila nëse do të hidhej në treg kap vlerë e 270 mijë eurove.

Blutë e kryeqytetit saktësojë, se në pranga ranë dy poseduesit e lëndës narkotike, të cilëve iu gjet në automjetin me të cilin po udhëtonin në zonën e Kthesës së Kamzës në Tiranë.

Në pranga ranë Klajdi Serjani 24-vjeç dhe Euxhenio Manushi 20-vjeç, të cilët ishin nën mbikëqyrjen e uniformave blu prej më se gjashtë muajsh.

Nga të dhënat bëhet e ditur se dy ishte Klajsi Serjani ai që drejtonte automjetin luksoz te rruga “Kastriotët”, ku lë timonin, del nga mjeti dhe në sediljen e pasme të tij merr pakon me lëndë narkotike, e cila kishte 1 kilogram e 50 gramë kokainë.

Lënda narkotike synohej që të tregtohej në zona të ndryshme të kryeqytetit, pasi të ndahej në doza të vogla.

Përveç kokainës, efektivët blu në momentin e kontrollit të mjetit gjetën edhe një sasi të konsiderueshme vlere monetare ndërsa sekuestruan edhe celularët e të rinjve.

Njëri nga personat e arrestuar, konkretisht Klajdi Serjani rezulton të jetë nipi i një prej personave të skeduar nga policia e Tiranës, Pajtim Serjani, i cili merrej me gjobëvënie.

Gazetare: Flutura Tota

/rtsh.al/