Kartolina e Ramës për Vitin e Ri, foto nga rindërtimi

Politikë | 5 vite më parë

Kryeministri Edi Rama ka hequr “dorë” nga pikturat e tij për t’i stampuar në kartolinat e urimit për Vitin e ri, duke i kompozuar ato me foton e rindërtimit të qyteteve të goditura nga tërmeti tragjik i vitit 2019.

Shkruar me shkrimin e dorës së Edi Ramës, kryeministri përcjell mesazhin në shqip dhe anglisht “Gëzuar Vitin e Ri”.

Në pjesën e përparme të kartolinës është stampuar një foto e shkrepur gjatë natës në kompleksin e ri të banesave në Thumanë.

Ndërsa pjesa e pasme e kartolinës ka po të njëjtën tematikë. Rindërtimin. Në formën e një pazëlli Edi Rama ka përzgjedhur një mori me foto nga zona të ndryshme të Shqipëri ku rindërtimi ka përfunduar apo është drejt fundit.

Vetë kryeministri në shumë deklarime të mëparshme ka deklaruar se në pranverën e 2022 nuk do të ketë më asnjë gjurmë nga tërmeti dy viteve më parë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.