Presidenti i Shteteve të Bashkuara të Amerikës, Joe Biden ka zbarkura në Helsinki  të Finlandës, për të marrë pjesë në samitin e lidervëe nordikë që mbahet ditën e sotme për të parë mundësitë e bashkëpunimit teksa kërcënimi vijon të jetë në rritje nga Rusia dhe Kina.

Për këtë arsye, Biden do të takohet me liderët e Finlandës, Suedisë, Norvegjisë, Islandës dhe Danimarkës, duke shënuar samitin e tretë të tillë dhe të parën e administratës së Bidenit.

Ky takim vjen pas samitit të NATO-s që u mbajt në Lituani, ku Turqia hoqi kundërshtimet e saj ndaj pranimit të Suedisë në Aleancën Ushtarake, por ishte edhe një mundësi që u dha udhëheqësve për të diskutuar një sërë çështjesh të tjera të ngutshme.

Takimi i vendeve nordike vjen gjithashtu edhe pasi Finlanda u bashkua me NATO-n dhe Suedia është e vendosur të bashkohet me aleancën, duke ofruar një shtysë dhe shfaqje të fortë të unitetit mes luftës së Rusisë në Ukrainë.

Ndër çështjet e tjera për diskutim do të jenë Siguria e Arktikut teksa ka një prani si nga Kina ashtu edhe nga Rusia në këtë zonë që po bëhet më e aksesueshme për shkak të ndryshimeve klimatike.

/rtsh.al/