Kërcënohet Maguire: Të kemi vendosur një bombë në shtëpi

Angli | 5 vite më parë

Orë frike për kapitenin e Manchester United, Harry Maguire. Mbrojtësi i Kombëtares ka marrë një email kërcënues, i cili i është dukur menjëherë shumë serioz, në të cilin shkruhej qartë se në shtëpinë e tij ishte vendosur një mjet shpërthyes, aty ku jeton me partneren Fern Hawkins dhe dy vajzat e tyre. Nisur nga ashpërsia e kërcënimeve, policia është vënë në alarm dhe ka shkuar në vendngjarje me njësinë e qenve, në kërkim për lëndë plasëse.

Lojtarët e Manchester Utd janë pushtuar nga vala e pakënaqësisë së tifozëve për rezultatet e dobëta të arritura në Premier League. Pas 4-0 të pësuar në Anfield, tensioni ka tejkaluar, duke kulmuar në këtë episod fatkeq. “Djajtë e Kuq” kanë bërë të ditur se mbrojtësi, do të vazhdojë përgatitjet për ndeshjen e radhës në kampionat dhe se nuk do të jepen detaje të mëtejshme për këtë çështje.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.