Kërkoi ndryshimin e masës së sigurisë, GKKO rrëzon kërkesën e Veliaj. I pranishëm në seancë ishte dhe kryebashkiaku

Aktualitet | 9 muaj më parë

Gjykata e Posaçme Kundër Korrupsionit dhe Krimit të Organizuar ka rrëzuar kërkesën e kryebashkiakut të Tiranës, Erion Veliaj për zëvendësimin e masës së sigurisë “ndaj “arrest me burg”.

Në seancë ishte i pranishëm edhe Veliaj ku u përfaqësua nga avokati, Sokrat Gjermeni. Nga ana e Prokurorisë së Posaçme, në seancë ishin të pranishëm prokurorët Ols Dado dhe Altin Dumani.

Kërkesa për zëvendësimin e masës së sigurisë u paraqit nga Veliaj me argumentin se nuk ekziston më rrezik për prishjen e provave, pasi çështja ka kaluar tashmë për gjykim.

Erion Veliaj ndodhet në paraburgim që prej datës 10 shkurt 2025. Ai akuzohet për përfshirje në disa raste korrupsioni, pastrim parash dhe mosdeklarim pasurie, në bashkëpunim me bashkëshorten e tij, Ajola Xoxa, si dhe me disa ish-zyrtarë të Bashkisë së Tiranës.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.