KESH bëri të ditur se brenda afatit të publikuar, kanë shprehur interes shoqëritë Exelerate Energy dhe Renco s.p.a si dhe Distributed Power Solution

Sipas KESH-it, Exelerate Energy dhe Renco s.p.a, është kualifikuar gjatë vlerësimit kualifikues, ndërsa shprehja e interesit të Distributed Power Solution nuk ishte në përputhje me dispozitat e thirrjes për shprehje të interesit.

“Oferta nga Exelerate Energy dhe Renco s.p.a. është vlerësuar për vlerësimin selektiv sipas thirrjes për shprehje interesi dhe është shpallur fitues”, thuhet në njoftimin e KESH-it.
Aseti Gjenerues termik i ofruar përbëhet nga dy mjete notuese ne të cilat janë te vendosur motorë për prodhimin e energjisë elektrike me kapacitet total të instaluar prej 110 MW.

Sipas specifikimeve teknike, aseti gjenerues i ofruar gjeneron energji elektrike nëpërmjet përdorimit të lëndës së parë Heavy Fuel Oil dhe lendes dytësore Light Fuel Oil.

Qira ditore për asetin gjenerues me kapacitet 110 MW është 63 mijë dollarë dhe ,vlerë ditore e operimit dhe mirëmbajtjes së asetit është 31,500 dollarë.

Lidhja e asetit gjenerues termik me sistemin e transmetimit do të realizohet në pikën e lidhjes Nst/TEC Vlora – Nst/ Babica 220KV. Periudha e qiramarrjes e ofruar është 2 (dy) vjeçare) nga momenti i komisionimit.

Emetimi i gazrave nga aseti gjenerues termik, i deklaruar në përputhje me IFC/World Bank Emission Guidelines (plant ≥ 50MW to ≤ 300 MW), 31 Maj 2017. Konsumi specifik i lendes djegëse është 220 Kg/MWh. Lënda djegëse do të prokurohet nga KESH sh.a. sipas nevojës së gjenerimit.

Ofruesi i asetit i ka dhënë shoqërisë KESH të drejtën që në përfundim periudhës së qirasë aseti dhe infrastruktura ndihmese do të mbesë në pronësi të KESH sh.a.