Kina: Marrëdhëniet tona me SHBA në ngërç

Botë | 5 vite më parë

Marrëdhëniet mes Kinës dhe Shteteve të Bashkuara të Amerikës kanë ngecur dhe po përballen me vështirësi serioze, i tha një nga zyrtarët e lartë të Pekinit zëvendëssekretares së Shtetit të SHBA-së në një vizitë zyrtare.

Zëvendësministri i Jashtëm kinez, Xie Feng ia bëri këto komente Wendy Shermanit, zyrtares më të lartë të SHBA që vizitoi Kinën, që kur Joe Biden mori detyrën si president.

“Ne nxisim SHBA të ndryshojnë politikat e saj mashtruese dhe të rrezikshme”, theksoi Xie.

”Disa amerikanë e përshkruajnë Kinën si një armik imagjinar dhe demonizimi i Kinës mund të jetë një përpjekje e SHBA për të shpërqendruar publikun nga problemet e tyre të brendshme”, shtoi Xie.

Sherman pritet gjithashtu të takohet me ministrin e Jashtëm kinez, Wang Yi./ ATSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.