Tetë medalje të arta për Kinën, që vijon të dominojë Kampionatin Botëror të sporteve ujore në Fukuoka, teksa gjithçka po vjen drejtpërsëdrejti në rrjetin e Radio Televizionit Shqiptar.

Fillimisht Kina ka dominuar në hedhje nga trampolina 3 metra për femra e sinkronizuar, atje ku në vend të parë doli çifti Çang/Çen, që kanë lënë nga pas britaniket Mev Jensen/Harper dhe italianet Pelakani/Bertoki.

Ndërkohë një tjetër e artë për Kinën ka ardhur në hedhjen nga trampolina 10 metra e sinkronizuar për meshkuj. Në vend të parë çifti kinez Lian/Jang pas së cilës janë renditur dyshja ukrainase Sereda/Boliuk dhe dyshja meksikane Berlin Rejes/Uilars Vaskez.

Dhe për çudi, apo në mënyrë të papritur, një tjetër e artë për Kinën ka ardhur në notin artistik, atje ku deri më tani ka dominuar Japonia. Pikërisht në Rutinën Akrobatike, Kina ka dalë mbi Shtetet e Bashkuara të Amerikës dhe Japoninë. Kampionati Botëror i notit përfundon më 30 korrik.