Kitesurfing në Pogradec, sporti që pritet të marrë vëmendjen e të rinjve

Sociale | 3 vite më parë

Ilirjan Tasellari është pogradecari i cili ushtron një sport të veçantë por edhe mjaft të bukur siç është kitesurfing, duke sfiduar dallgët e liqenit. Një dëshirë që ai e ka pasur që nga fëmijëria, por që ka arritur ta realizojë rreth moshës 22 vjeçare.

“Dëshira dhe pasioni ishte që në moshë të vogël dhe me ndryshimin e sistemit emigruam. Në Itali e kam praktikuar për herë të parë këtë sport”, tha sportisti Ilirjan Tasellari.

Kitesurfing është një sport që mund të praktikohet nga të gjithë por duke respektuar rregullat.

“Kitesurfing është një sport shumë i bukur dhe të lidh me natyrën dhe si të gjitha sportet e tjera të jep ndjesinë e adrenalinës”, tha Tasellari.

Ilirjani tregon se synimet janë që ky sport të përhapet edhe në Pogradec, duke qënë një alternativë interesantë për të rinjtë e këtij qyteti por jo vetëm.

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.