Koalicioni i udhëhequr nga Arabia Saudite shënjestroi depot e raketave balistike dhe magazinat e armëve dhe dronëve që u përkasin rebelëve Houthi në Jemenin verior në mbrëmjen nga e mërkura në të enjten.

Koalicioni përmes një deklaratë tha se sulmet ajrore u kryen në provincat Saada dhe Sanaa, si dhe këto ishin operacione të arsyeshme, njoftoi agjencia shtetërore saudite e lajmeve SPA.

Ndërkohë, sipas Almasirah TV, një kanal i lidhur me rebelët Houthi të mbështetur nga Irani, forcat ajrore të koalicionit ndërmorën pesë sulme ajrore në pjesë të ndryshme të Sana-s.

Jemeni është përfshirë nga dhuna dhe kaosi që nga viti 2014, kur rebelët Houthi pushtuan pjesën më të madhe të vendit, duke përfshirë kryeqytetin Sana’a.

Kriza u përshkallëzua në vitin 2015 kur koalicion i udhëhequr nga Arabia Saudite nisi një fushatë shkatërruese ajrore që kishte për qëllim zmbrapsjen e pushtimeve territoriale të Houthive.

Konflikti ka marrë më shumë se 233.000 jetë, sipas OKB-së./AA