Komisioni i Rithemelimit shkon në PD, i kërkon Bashës të lirojë zyrën deri më 5 janar

Politikë | 5 vite më parë

29 anëtarët e Komisionit të Rithemelimit i janë drejtuar sot selisë së Partisë Demokratike për ti njoftuar kryetarit të Partisë Demokratike Lulzim Basha, shkarkimin nga detyra.

Një nga anëtarët e këtij komisioni, Belind Këlliçi ka lexuar shkresën e tyre zyrtare duke kërkuar edhe lirimin e zyrës brenda afatit. “Kërkohet nga ana juaj që të merren të gjitha masat për ta jetësuar vullnetin e demokratëve duke liruar ambientet e punës së kryetarit të partisë deri më 5 janar 2022”, tha Këlliçi.

Belind Këlliçi, theksoi se shkresa do i dërgohet përmes postës Lulzim Bashës, ndërsa janë vënë në dijeni edhe trupi diplomatik i akredituar në Tiranë. Së bashku me anëtarët e Komisionit të Rithemelit nuk ka qenë sot ishkryeministri Sali Berisha.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.