Konflikt mes disa personave në Tiranë, arrestohet 37-vjeçari, qëlloi në ajër me armë

Aktualitet | 4 vite më parë

Policia e Tiranës ka vënë në pranga një 37-vjeçar me iniciale Xh. C, i cili pas një konflikti fizik me disa persona, ka qëlluar me armë zjarri në ajër.

Ngjarja ka ndodhur rreth orës 03:00 në Rrugën e Dibrës.

Sipas burimeve nga policia “Shtetasi Xh. C., rreth orës 03:00, së bashku me shtetasit F. Xh., A. Xh., M. K., dhe E. C., janë konfliktuar për motive të dobëta, me shtetasit K. K., V. Q., F. N., A. N., dhe gjatë konfliktit shtetasi Xh. C., ka qëlluar më armë zjarri në ajër”.

Në cilësinë e provës materiale u sekuestrua arma e zjarrit pistoletë, e dyshuar e përdorur nga ky shtetas, ndërsa materialet i kaluan Prokurorisë, për veprime të mëtejshme procedurale.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.