Korçë, Vonesë për shpërndarjen e ndihmës ekonomike

Sociale | 6 vite më parë

1400 persona me aftësi të kufizuara me kujdestarët e tyre ende nuk kanë marrë ndihmën ekonomike për muajin nëntor dhe për këtë arsye një pjesë e tyre i janë drejtuar zyrave të bashkisë për disa ditë rradhazi dhe kërkojnë përgjigje për situatën ku ata ndodhen. Sipas tyre është kjo ndihmë me të cilën ata kujdesen dhe ushqejnë familjen e tyre. Gjithashtu kërkojnë një datë të përcaktuar për tërheqjen e ndihmës ekonomike.

Nga ana tjetër, burime pranë Bashkisë Korçë shprehen se fondi për ndihmën ekonomike miratohet nga Ministria e Shëndetësisë dhe Mbrojtjes Sociale dhe nuk është nën kompetencat e bashkisë. Sipas burimeve arsyet për vonesën e ndarjes së ndihmës ekonomike me vlerë 108 mij lekë të vjetra është mos plotësimi i fondit 100% si dhe ditët pushim që rastisën për festat kombëtare në fund të muajit.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.