Rikthimi i Cristiano Ronaldos në radhët e Manchester United nuk është aspak “përralla” që prisnin tifozët. Pas nëntë sezonesh tek Real Madrid dhe katër tek Juve, kampioni portugez u rikthye në klubin anglez në verën që e pa atë të bëhej një yll ndërkombëtar, por pa gjetur kiminë dhe performancën e viteve të kaluara. Vetëm 18 gola për të këtë sezon mes Premier League dhe Champions League, krahasuar me 32 paraqitje të përgjithshme me fanellën e Djajve të Kuq. Sigurisht jo numrat me të cilët CR7 na ka mësuar në karrierë: për herë të parë në 12 vjet, pesë herë Topi i Artë do të mbyllë sezonin pa ngritur trofe me klubin. Një dështim i bujshëm që gjithashtu ka pasoja të konsiderueshme ekonomike, e detyron të humbasë miliona.

Sipas raportimeve të mediave britanike, Cristiano Ronaldo do të humbasë 5 milionë në bonus për shkak të sezonit katastrofik të Manchester United pa trofe. Portugezi 37-vjeçar do të fitojë shumë më pak se sa pritej: Ronaldo do të kishte fituar rreth 2.5 milionë paund nëse Djajtë e Kuq do të kishin arritur në finalen e Champions League. Fitimi i titullit të parë Premier të United që nga viti 2013 vlente gjithashtu deri në 1.5 milion £, por dështimi për të përfunduar në katërshen e parë mund të jetë edhe më shkatërrues për të, duke pasur parasysh se paga e tij bazë është rreth gjysma e asaj që ai fitoi në Itali. Me Italinë tani jashtë loje, atij i duhet vetëm të fokusohet në kualifikimin në Kupën e Botës në Katar me Portugalinë e tij.