Kulla Eifel, dritat vezulluese të së cilës përcaktojnë horizontin e Parisit gjatë natës, do të errësohet më herët për shkak të krizës energjetike. Bashkia e Parisit pritet të propozojë këtë javë që monumenti, i cili është ndër më të vizituarit në botë, të errësohet më herët se zakonisht, pasi Evropa përballet me krizën energjetike, të rënduara nga pushtimi rus i Ukrainës.

Kulla Eifel aktualisht ndriçon deri në orën 1 të mëngjesit nga një sistem i ndërlikuar që i jep asaj një shkëlqim të artë. Bashkia e qytetit pritet të propozojë që kulla të errësohet në orën 23:45 kur të largohen vizitorët e fundit, që do të thotë se ajo nuk do të vezullojë më në mesnatë.

Lëvizja për të zvogëluar ndriçimin shihet si një mënyrë për të dhënë një shembull për reduktimin e ndriçimit të qytetit në përgjithësi. Ndriçimi gjatë natës i monumentit përbën 4% të konsumit vjetor të energjisë. Kulla, e cila u përfundua në vitin 1889, është rikthyer në numrin e vizitorëve para Covid-it në më shumë se 20,000 në ditë.

Autoritetet e tjera të qytetit po reduktojnë gjithashtu ndriçimin gjatë natës në vende të rëndësishme. Monumentet në Marsejë, përfshirë Pallatin Pharo, do të fikin dritat më herët nga fundi i shtatorit për të kursyer energji./ The guardian

/rtsh.al/