Më 14 shtator, Presidentja e KE, Ursula von der Leyen pritet të prezantojë planin për vendosjen e një tavani evropian për çmimet e energjisë. Çmimet e larta të gazit natyror dhe energjisë elektrike e bëjnë të domosdoshme nevojën për marrjen e masave nga ana e BE dhe ndryshimet në tregun e energjisë në Evropë.

“Zërat” që bëjnë thirrje për marrjen e masave të menjëhershme për energjinë janë shtuar në mënyrë dramatike kohët e fundit, duke detyruar presidencën çeke të BE për të shpallur një takim urgjent të ministrave të energjisë më 9 shtator.

Nisja e një “përgjigjeje” evropiane u gjykua gjithashtu e nevojshme për shkak të veprimeve të Moskës, me reduktimet e vazhdueshme në dërgesat e gazit natyror.

“Çmimet e energjisë po thyejnë rekorde pas rekordesh. Pasojat për familjet dhe bizneset nuk janë të qëndrueshme. Ne duhet të përballemi me këtë situatë së bashku dhe menjëherë”, tha presidentja e Komisionit Ursula von der Leyen.

Njoftimet e Brukselit për masat e reja emergjente të kombinuara me faktin se Evropa po i afrohet objektivit të ruajtjes së gazit dimëror në 80%, një nivel që pritet të arrihet më 1 nëntor, qetësuan pak tregjet dhe çuan në një rënie të vogël të çmimeve. Megjithatë, ato mbeten në nivele të larta./ CNN.gr

/rtsh.al/