Kriza energjetike/ Vuçiç takim online me Ramën dhe Kovaçevskin: Biseduam për sigurimin e një dimri të sigurt për qytetarët

Politikë | 4 vite më parë

Presidenti i Serbisë Aleksandër Vuçiç ka zhvilluar një “takim online” me Kryeministrin Edi Rama dhe Kryeministrin e Maqedonisë së Veriut, Dimitar Kovaçervski. Lajmin e ka bërë me dije vetë Vuçiç në rrjetin social Instagram, i cili thotë se biseda me Ramën dhe Kovaçevskin është bërë në kuadër të Ballkanit të Hapur.

Në fjalën e tij Vuçiç theksoi se kjo nismë përkthehet në paqe, prosperitet dhe e ardhme e sigurt për njerëzit e rajonit. Rama, Vuçiç dhe Kovaçevskit diskutuan për hapat e përbashkët që duhen ndërmarrë për dimrin e vështirë, duke iu referuar krizës energjetike.

“Kam biseduar me Edi Ramën dhe Dimitar Kovaçevskin për hapat e përbashkët për të siguruar një dimër të sigurt për të gjithë qytetarët tanë, si dhe për takimin e ardhshëm në kuadër të procesit të Berlinit”, shkruan Vuçiç.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.