Kryeministri dhe kabineti i Letonisë japin dorëheqjen

Botë | 3 vite më parë

Dorëheqja e kabinetit të qeverisë letoneze pritet të dorëzohet më 17 gusht nga Kryeministri, Krisjanis Karins.

Lajmin e konfirmoi vetë kryeministri në një konferencë për shtyp.

“Këtë të enjte unë do t’i dorëzoj Presidentit dorëheqjen time dhe atë të kabinetit”, tha Karins.

Ky vendim vjen pasi u refuzua riorganizimi i kabinetit i propozuar nga Karins.

Partia e e Karins e qendrës së djathtë, “Uniteti i ri”, pritet të zgjedhë kandidatin e saj për postin e kryeministrit më 16 gusht. Pastaj i takon presidentit Edgars Rinkevic të japë mandatin për formimin e qeverisë.

Në çdo rast, çdo koalicioni të ri do t’i kërkohet të marrë votëbesimin nga parlamenti letonez përpara se të marrë detyrën.

Kujtohet se zgjedhjet e ardhshme parlamentare në Letoni janë planifikuar për në vitin 2026.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.