Kryeministrja e Italisë, Giorgia Meloni, do të jetë sot në Shqipëri bashkë me familjen.

Gazeta “Corriere della Sera” raportoi të hënën se shefja e qeverisë italiane kaloi Adriatikun me traget drejt Vlorës me ftesë të kryeministrit Edi Rama.

“Meloni më tha se do të bënte gjithçka për të ardhur dhe për të më përshëndetur,” u shpreh në fundjavë Rama për të përditshmen “Il Foglio”.

Në shoqërinë e kryeministres italiane raportohet se janë bashkëshorti i saj, Andrea Giambruno, dhe vajza Ginevra.

Kryeministrja Meloni është italiania me pozitën më të lartë shtetërore që vjen në Shqipëri në këtë sezon veror, duke iu shtuar gati gjysmë milion bashkëkombësve të saj këtë vit, të cilët kanë zgjedhur të vizitojnë Shqipërinë për pushime apo biznes.

“Corriere” raporton se në agjendën sekrete disaorëshe të kryeministres përfshihet edhe një vizitë private në shtëpinë e homologut Rama. /Corriere

/rtsh.al/