Kurbin, Alibeaj prezanton kandidatin për kryetar bashkie në zgjedhjet e 14 majit

Politikë | 4 vite më parë

Grupimet brenda PD-së, duket se po ecin paralelisht me prezantimin e kandidatëve të tyre në zgjedhjet vendore të 14 majit. Partia Demokratike, e drejtuar nga Enkelejd Alibeaj, ka prezantuar sot pasdite në Kurbin, kandidatin për kryetar Bashkie në zgjedhjet e 14 Majit, Genc Doçi.

Në këtë takim prezantues me strukturat drejtuese të degës së PD-së në Kurbin, ka qenë vetë Alibeaj.

Kandidati Doçi, gjatë këtij takimi, nënvizoi në fjalën e tij se Kurbini ka nevojë për ndryshim, me qëllim që qeverisja vendore t’u kthehet qytetarëve dhe jo të funksionojë për pushtetarët e korruptuar. Sipas tij, bashkia e Kurbinit për disa vite me rradhë është mbajtur peng, duke mos e vënë qytetarin në plan të parë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.