“Larg duart nga Kakomeja”- Banorë të Nivicës e Shën Vasilit shembin rrethimin: Nuk kemi akses tek pronat

Aktualitet | 4 muaj më parë

Pas vitesh të tëra nëpër kalvarin e gjyqeve për njohjen e pronave në Gjirin e Kakomesë, dhjetëra banorë të Nivicës dhe Shën Vasilit kanë shembur rrethimin duke kërkuar akses në pronat e tyre.

Dy ditë para protestës së paralajmëruar kompania e cila e ka marrë me qira këtë tokë ka hequr portën, ndërsa qytetarët shembën murin e përmbysën objekte të lëvizshme brenda rrethimit.

Banorët mbanin pankarta me mbishkrime “Larg duart nga Kakomeja” dhe “Deti për të gjithë”. Ata kërkojnë zgjidhje për çështjen e pronësisë dhe garantimin e aksesit të lirë në këtë zonë bregdetare.

Në mbështetje të banorëve pati dhe të ardhur nga qytete të ndryshme të vendit dhe nga emigracioni.

RTSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.