Derbi i fituar, kampionati ende i hapur, rivalë e përjetshëm në zonën e rënies. Është e diela perfekte për Liverpoolin e Klopp, i cili fiton derbin ndaj Evertonit me rezultatin 2-0 në pjesën e dytë dhe i përgjigjet Manchester Cityt, duke mbetur një pikë pas majës së kampionatit.

Pas një ore lojë pa shumë emocione, Reds zgjohen papritur dhe zhbllokohen në minutën e 62-të me goditjen me kokë të Robertson, perfekt në daljen në shtyllën e largët për të konkretizuar krosin e Salah. Të ndikuar edhe nga atmosfera e Anfield-it, Reds pothuajse dyfishuan në disa raste me Luis Diaz, Matiz dhe Thiago Alcantara, duke u rrezikuar vetëm në një rast, goditja nga distanca e Gray.

Rezultati përfundimtar 2-0 vjen në minutën e 85-të, kur Origi godet nën traversë në zhvillimin e një goditje kënd. Suksesi e mban Liverpoolin në betejë të plotë për të fituar Premier League, ndërsa Everton tani është i treti nga fundi.

Chelsea hipotekon kualifikimin në Champions League duke forcuar pozitat në vendin e tretë, ndërsa për Ëest Ham kjo humbje mund të kushtojë shtrenjtë në Evropë. Pjesa e parë është e ngadaltë dhe pa emocione, në pjesën e dytë dy skuadrat tentojnë më shumë dhe kthesa  vjen në minutën e 87-të kur Daëson mban nga krahu Lukakun në zonë dhe arbitri jep penallti për blutë duke përjashtuar mbrojtësin e Ëest Ham.

Megjithatë, nga 11 metra, Jorginho konfirmon sezonin jo nga pika e bardhë me një goditje të dobët dhe qendrore të pritur nga Fabianski. Por kalojnë vetëm tre minuta dhe Pulisic mendon të korrigjojë gabimin e Jorginhos dhe ti japë skuadrës së tij fitoren. Është goli i fitores, çekiçët mund të përqëndrohen në gjysmëfinalen e Europa League.