Lufta me Rusinë/ Në 3 shkurt mbahet samiti BE-Ukrainë në Kiev

Botë | 4 vite më parë

Samiti mes Ukrainës dhe Bashkimit Evropian do të mbahet ditën e premte në Kiev.

Lajmin e bëri të ditur kryeministri i Ukrainës Denys Shmyhal, megjithëse ai nuk dha detaje se kush do të merrte pjesë.

Fakti që samiti do të mbahet në Kiev është një “sinjal i fuqishëm si për partnerët ashtu edhe për armiqtë. Për partnerët tanë, është një mesazh që Evropa beson në fitoren e Ukrainës dhe mbështet lëvizjen tonë të shpejtë drejt anëtarësimit në BE. Për armiqtë tanë është një mesazh i kotësisë së përpjekjeve të tyre për të përçarë koalicionin që mbështet Ukrainën dhe që ne të bëhemi pjesë e Bashkimit Evropian dhe NATO-s”, theksoi Shmyhal gjatë mbledhjes së qeverisë ukrainase.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.